NAGA CITY- Dead on the spot an sarong motorista makalihis na makasalpok an saiyang minamanehong motorsiklo sa sarong truck sa kalabaan kan Andaya Highway, barangay Amomokpok sa banwaan nin Ragay, Camarines Sur.
Sa entrevista kan Bombo Radyo Naga ki PO3 Domingo Nancisa, hale sa PNP Ragay, sinaysay kaini na pasiring sa direksyon kan Metro Manila an driver kan motorsiklo na si Joselito Paredez, 37-anyos kan bigla ining makasalpok sa kasabatan na truck na minamaneho man ni Ramil Royales.
Bigla suboot na nagsiko an motorsiklo kan purbaran kaining likayan an sarong kotse kaya nakasalpok ini sa kasabatan na truck na pasiring kuta na sa ciudad nin Naga.
Basado man sa inisyal na impormasyon na nakua kan PNP, marikas suboot an pagpapadalagan kan motorsiklo ni Paredez kaya haros narukmi an enotan na parte kan truck kun saen ini nagsalpok.
Apwera sa pagkakasalpok sa truck, naligis pa suboot an driver kan motorsiklo na nagresulta sa saiyang tulos na kagadanan.
