NAGA CITY- Dead on arrival an sarong security guard makalihis makabudal sa sarong pampasaherong jeep an minamaneho kaining motorsiklo sa kalabaan kan tinampo sa Brgy. Wakas, Tayabas City.
Binisto an nagadan na si Ruel Aureada, 48 anyos.
Sa nagunong impormasyon kan Bombo Radyo Naga napag araman na binabagtas sana kan motorsiklong minamaneho ni Aureda an kalabaan kan tinampo sa nasambitan ng lugar kan mag overtake ini sa kasunod na tricycle asin makabudal sa kasabatang pampasaherong jeep na minamaneho ni Arnold Silva, 34 anyos.
Huli digdi, nagsapo nin lugad sa manlaenlaeng parte kan saiyang lawas si Aureda na tulos man idinalagan sa ospital alagad ideneklarar nang dead on arrival kan mga doktor.
Sa ngunian, nasa kustudiya na kan Tayabas City PNP an suspek para sa maninigong disposisyon.
