NAGA CITY– Irido an sarong motorista makalihis an banggaan kan duwang motorsiklo sa Brgy Puro Batia, Libmanan, Camarines Sur.
Binisto an nairido na si Rodel Realizan, 35 anyos, driver kan motorsiklo.
Sa nagunong impormasyon kan Bombo Radyo Naga napag araman na binabagtas ni Realizan an kalabaan kan tinampo sa nasambitan ng lugar kan aksidente kaining makabangga an paparikong tricycle na minamaneho man ni Wilfredo Duque, 60 anyos.
Huli digdi, nagsapo nin lugad sa manlaenlaeng parte kan saiyang lawas an motorista na tulos na idinalagan sa ospital.
Sa inisyal na imbestigasyon kan mga otoridad napag aramang mayong sulot na helmet si Realizan kan mangyari an nasambitan ng insidente.
Sa ngunian, nagpapadagos pa man an imbestigasyon kan mga otoridad manungod sa nasambitan ng pangyayari.
