Suportado ni Senador Robinhood Padilla an proposal ni Secretary Jonvic Remulla kan Department of the Interior and Local Government (DILG) sa Kongreso na gibohon na non-bailable an mga kaso na may kinaaraman sa loose firearms asin lalo pang higpitan an mga gun laws sa nasyon.
An rekomendasyon ni Remulla kasunod kan nangyaring school shooting incident sa Zamboanga City, kun sain pigtutukdo kan sekretarya na an Republic Act No.
Sinabi ni Padilla na, bilang kasimbagan, pigbubuo an sarong bill para digdi tanganing isasangat sa Senado.
Alagad, pigtutukdo ni Padilla sa saiyang repost sa social media na an magkasunod na pambabadil sa mga eskwelahan bako huli sa mga loose firearms kundi mga armas o badil na ipinaluwas kan gobyerno.
Sinabi man ni Padilla na igwa man siyang pigsangat na bill sa Senado, an Senate Bill 2412, na nagmamawot na amyendahan an Comprehensive Firearms and Ammunition Regulation Act, na nag-imponer nin magabat na penalidad sa kapabayaan na pagtugot sa iba na maggamit nin badil kun gagamiton ini sa pagkomiter nin krimen.
Apwera kaini, pigtutulod man kaini an mas halangkaw na penalidad kun empleyado o opisyal kan gobyerno an pabaya.
