NAGA CITY- Nagpa-abot kan saiyang pasasalamat an sarong Municipal Councilor kan banwaan nin Libmanan, Camarines Sur sa mga tawo na nasa likod kan realisasyon sa pagpapatugdok kan 3 covered court. Sigun ki Romel Bulaong, Municipal Councilor kan nasambitan ng lugar, na nagpupuon na soboot an konstruksyon kan nasambitan ng covered court orog na sa elementary school kan Barangay Mambulo Nuevo.
An nasambitan ng proyekto an dakulang katabangan sa mga estudyante para sa mga manlaen-laen na aktibidad na pwede kaining ikundusir sa saindang eskwelahan.
Dugang pa kan opisyal, huli sa paglalapigot asin tolos na pag-asikaso kan proyekto kun kaya naparekas an pagpupuon kaini na magdadara nin karahayan sa mga mabebenipisyaran.
Sa ngunyan, pigsierto na sana kan opisyal na dae ma-uuntok an lokal na gobierno kan Libmanan sa pagkriar nin mga programa na makakatabang nin dakula sa saindang mga nasasakupan.
