Nagluwas na nin statement an Miss Universe Philippines Organization kan nakalihis na aldaw na nagkokondena sa nagin remarks kan pageant vlogger na si Adam Genato sa performance kan pambato kan Pilipinas sa Miss Universe 2024 na si Chelsea Manalo, an pigmirar komo kaenot-enoting Miss Universe Continental Queen of Asia.
Inapod kan organisasyon na unfair, insensitive, hurtful asin dismissive sa accomplishments ni Chelsea an video commentary kan pageant vlogger.
Dae man soboot kaini tutugutan an pambubully asin iresponsableng vlogging orog na gikan sa sarong accredited MUPh media partner na saindang maogmang pig-ako sa saindang mga event.
Pigpagirumdom man kan organisasyon an mga pageant vlogger na magin malikay sa pagheheras kan saindang mga komento sa mga kandidata kan Pilipinas.
Naglalaom man an MUPh organization na magin responsable an mga ini sa saindang commentaries asin pigpa-publish na content.
An paggibo soboot kan intensyonal na controversial statements para sa clout asin engagement na nakakaraot sa delegates an kasuklam-suklam.
Enot digde, makalihis an Miss Universe 2024 pageant na pigkundusir sa Mexico kan nakalihis na Nobyembre 17, nagtapos sa top 30 semifinalists si Chelsea Manalo makalihis mabigong makaabanse sa top 12.
Sa video commentary man ni Adam sa saiyang social media platform, pigsaysay kaini na kun an ipinadarang pambato kan Pilipinas sa Miss Universe ngunyan na taon sinda 2024 Miss Universe Philippines candidate Ahtisa Manalo o Christi McGarry, mas magayon kuta soboot an ipinahiling sa international pageant.
Garo pigkumparar kaini si Chelsea ki Victoria Theulvig kan Denmark na kinoronahan komo Miss Universe 2024 na soboot Barbie-looking.
Mientrastanto, makalihis man nakakua nin mga batikos an pageant vlogger, emosyonal ining naghagad nin tawag ki Chelsea asin sa saiyang team, sa MUPh Organization siringman sa pageant fans.
