Pigkanselar kan Air India an walong international flights na pig-ooperate kan Boeing 787-8 Dreamliners.
Marurumduman an nasambitan ng klase kan eroplano an imbwelto sa insidente kan pagbagsak na ikinagadan kan mga lunad kaini.
Huli sa nasambitan ng kanselasyon naapektaran an mga biyahe pasiring London, Paris,Vienna asin Dubai.
Nagtabang na an nagkapirang mga nasyon sa pag-iimbestiga tanganing maaraman an rason kan insidente.
Marurumduman, pirang minuto makalihis an pag-take off kan flight AI171 gikan sa Sardar Vallabhbhai Patel international airport an bigla na sana ining nagbagsak.
Huli sa pangyayari, binawian nin buhay an 242 na lunad kan eroplano asin sulamenteng sarong pasahero sana an nakasalbar.
Sa ngunyan, padagos an pangapudan kan mga pamilya kan mga binawian nin buhay sa insidente na masimbagan an rason sa nangyaring pagbagsak.
