Nagpepreparar an dakulang parte kan California huli sa piglalaomang pagtama kan makusog na bagyo.
Sigun sa National Weather Service (NWS) nasa 11 milyong mga residente kan California an maapektaran kan nasambitan ng bagyo.
Nagkapirang mga residente kan Palisades, Sunset asin Hurst area an pina-ebakwar na. Madara an makusog na duros nin hasta 60 miles per hour an nasambitan ng bagyo na posibleng magin tornado.
Pig-enkaminar man ni Los Angeles Mayor Karen Bass an mga residente na magsunod sa mga pigpapautob na nindang kasuguan dapit sa pag-abot kan makusog na bagyo.
Madara man nin mahewasang pagbaha an bagyo sa parte kan Bay Area sa San Francisco.
Sa pagkarkulo man kan mga meteorologist, madara an nasambitan ng bagyo nin lima hasta walong talampakan nin yelo sa Sierra Nevada.
Sa aldaw pa nin Huwebes piglalaoman na dagusang marayo an bagyo sa parte kan California.
