BOMBO NAGA- Nasakote ang nasa P78,000 na halaga ng ilegal na droga matapos ang isinagawang buy bust operation ng mga awtoridad sa Sitio Pundano, Brgy. Talisay, Tiaong, Quezon.
Kinilala ang mga suspek na sina Jonathan Cunanan, alias Atan, 45-anyos,at Rhovic Lopez, 20-anyos.
Sa nakalap na impormasyon ng Bombo Radyo Naga sa Quezon Police Provincial Office, nabatid na nakabili ang umaktong poseur buyer ng isang heat-sealed transparent plastic sachet ng pinaniniwalaang shabu sa halagang P544.00.
Maliban sa buy bust item, nakumpiska pa sa mga suspek ang dalawang pakete ng shabu na nasa 3.84 grams ang bigat at nagkakahalaga ng P78,335.00 at isang fan knife.
Sa ngayon, nasa kustodiya na ng mga awtoridad ang mga suspek para sa karampatang disposisyon.
