Nagngalas an organizer kan National Bank Open sa Canada sa marikas na pagkaubos kan mga ticket para sa mga laban kan Pinay tennis star na si Alex Eala.
Siring ki Karl Hale, tournament director kan WTA 1000 event, dae ninda inasahan an dagsa kan mga Pilipinong fans na nagsuporta sa laban ni Eala kontra sa American player na si Alycia Parks kan Huwebes, Agosto 6.
Sa naturang laban, nanaig si Eala sa iskor na 6-1, 4-6, 6-2 tanganing makalaog sa third round.
Bilang tugon sa kadaklan kan mga Pinoy supporters, nag-alok an mga organizer nin adobo chicken sa food court kan Sobey’s Stadium, na igwa nin seating capacity na 10,077.
Siring ki Hale, iyo ini an primerong pagkakataon na nagdugang sinda nin espesyal na pagkakan sa tahaw kan torneo dahil sana sa sarong atleta.
Para sa mga organizer, an mainit na suporta ki Eala iyo an patotoo kan kusog asin pagkakasararo kan komunidad kan mga Pilipino sa Canada.
An tagumpay asin kasikatan ni Eala nagtao nin kakaibang kolor sa torneo, na ngunyan mas lalo pang nabibisto bako lang sa larangan kan tennis kundi pati man sa pagpapahiling kan kulturang Pilipino.
