ARESTADO an sarong lalaki sa an No.10 Regional asin No. 5 Provincial Most Wanted Person sa Camarines Sur sa Quezon City kan Magarao Municipal Oplice Station.
Sigon ki PCpt. Mark N. Spaña, Acting Chief of Police kan Magarao MPS, sa bisa ng Warrant of Arrest na ipinaluwas kan Branch 61 RTC Naga City, matrayumpong naarestar kan Tracker Team kan Magarao Municipal Police Station an akusado na 33 anyos asin residente ng Canaman, Camarines Sur.
Kinakahampang kaini an kasong pagbalgar sa New Anti-Carnapping Act of 2016 (RA 10883).An operasyon isinagibo kasuudma aldaw nin Martes Agosto 11, 2026, bandang 7:40 nin bangui sa Road 3, Barangay Project 6, Quezon City, sa pagtatarabangan kan Magarao MPS, PS-15 QCPD, RIU-PIT Cam Sur, MIG 5-ISAFP, asin MARPSTA Cam Sur, gamit an Travel Order.
Sigon pa sa opisyal,dinara ini sa Police Station -15 QCPD antes na ipipat sa Magarao MPS para sa magkakanigong disposisyon. Sa isinagibong beripikasyon, natukoy na nagkaigwa na nin dating kasong Panlulugos (Rape) asin pagbalgar sa RA 9165 (Comprehensive Dangerous Drugs Act of 2002) an akusado.
Mientrastanto, padagos an PNP Magarao sa pagmantiner kan katuninongan sa komunidad asin pag-inkaminar sa publiko na isumbong an mga kahina-hinalang aktibidad sa saindang hepatura tanganing tulos ining maaksyunan kan pulisya.
