Papakusugon lalo an national defense capabilities matapos na dugangan nin P10-B an proponidong pondo para sa Armed Forces of the Philippines (AFP) Modernization Program para sa taon 2027.
Segun ki Department of Budget and Management (DBM) Secretary Kim de Leon, an dagdag na alokasyon gagamiton sa pagbakal nin mga modernong kagamitan asin pagpakarhay kan mga pasilidad militar, na saro sa pinaka-prayoridad kan presenteng administrasyon.
Sa paglangkaw na ini, maabot sa P50-B an total na pondo na itinagama para sa modernisasyon kan AFP sa masunod na taon.
Katakod kaini, pig-anunsyo man kan DBM na igwang nakatago na P73.67 billion para sa subsistence allowance kan mga 583,130 military and uniformed personnel (MUP) sa 2027 budget.
Pig-tawan-duon kan ahensya na an pagtao nin dakulang pondo sa defense sector sarong demonstrasyon kan bilog na suporta kan gobyerno sa mga soldados asin uniformed personnel na nasa enotan sa pagmantenir kan seguridad nasyonal, paz, asin orden sa nasyon
