Nag-anunsyo kan direktor kan National Bureau of Investigation (NBI) na si Melvin Matibag kan Sabado na sinda nagsusundan sa sarong lead manungod sa mga banta sa buhay ni Presidente Ferdinand Marcos Jr., First Lady Liza Araneta-Marcos, asin dating House Ferdinand Martin Romualdez.
Alagad, sinabi ni Matibag na ibubuyagyag ninda ini sa tamang panahon.
Pigsierto man kaini na maatendir an mga opisyales kan NBI sa masunod na hearing kan House Justice committee sa maabot na Abril 29.
Enot nang nagpadara nin subpoena sa NBI an nasabing komitiba ngani na ipresentar an resulta kan saindang imbestigasyon sa nasabing isyu.
An isyu may relasyon sa online briefing ni VP Sara kan Nobyembre 2024, na hayag na nagsabi na siya an nagboot na gadanon si Marcos, an First Lady, asin si Romualdez, kun may mangyari saiya.
Sinabi ni Matibag na an saiyang testimonya nakasentro sana sa imbestigasyon kan NBI sa mga huma ni VP Duterte, kaiba na an mga pronouncements sa digital asin social media.
Kan 2025, an NBI nagrekomendar nin pagsangat nin reklamo laban ki VP Sara pagkatapos na magsagibo nin imbestigasyon.
