Pigpatanidan ni Israeli Prime Minister Benjamin Netanyahu an saiyang mga soldados na sisibakon an mga ini enkaso maghagad nin ceasefire.
Ini an nagin mahigot na tugon ni Netanyahu sa ginibong meeting sa saiyang mga soldados.
Pigbuyagyag kaya kan Israel Defense Forces (IDF) na igwang nagkuriyat na petisyon na pinapapirma sa mga soldados tanganing ipangapudan an tolos na pagtatapos kan giyera.
Nakapalaman sa nasambitan ng petisyon an pagpapautob nin ceasefire karibay kan pagpapalibre nin mga bihag ninda.
Advertisement
Marurumduman, kan nakalihis na Marso 18 kan pinahigot liwat kan Israel an pag-atake sa Gaza makalihis na balgaron an ceasefire asin prisoner exchange agreement na pigpautob kan Enero 19.
Advertisement
