Magsusunad nin resolusyon si Senator Loren Legarda tanganing paimbestigaran an pagkakaigwa nin network asin koneksyon sa nasyon kan kontrobersyal na sex offender na si Jeffrey Epstein.
Ini makalihis na mapag-araman na igwang grupo sa nasyon na nagtatabang ki Epstein tanganing puraon an bakas kan mga iligal na aktibidad kaini sa web.
Sa sesyon sa plenaryo, pigsaysay ni Legarda na masunada ini nin resolusyon tanganing hagadon sa Department of Justice, sa National Bureau of Investigation asin magin sa Committee on Women na siyasaton an impormasyon na puon pa kan 2010, igwang network sa nasyon si Epstein na nagtatabang tanganing puraon an saiyang mga pedophile activities sa internet.
Partikular na ipasisirip ni Legarda an“Epstein footprint” sa Pilipinas siringman an mga organisasyon asin mga sindikatong nagtrabaho para sa nasambitan ng sex offender.
Aaramon man kun ano an mga PR companies na nagtabang ki Epstein na linigon an mga physical asin digital images kaini.
Antes ini nagpahayag man nin suporta si Legarda sa prosopwesto ni Senator Risa Hontiveros na amyendahan asin mas pakusugon an mga ley kontra sa online sexual abuse sa mga jovenes.
