Naglunsar nin raid an US immigration agents sa Newark, New Jersey worksite kan Huwebes, Enero 23 oras sa Amerika, sa tahaw kan crackdown kan Trump administration sa illegal immigrants sa Amerika.
Sa sarong pahayag, sinaysay ni Newark Mayor Ras Baraka, nabigo an Immigration and Customs Enforcement (ICE) agents na makapag-presentar nin warrant kasabay kan saindang pagkulong sa mga dae dokumentadong residente asin mga namamanwaan sa ikinasang raid sa sarong business establishment na Ocean Seafood depot sa Newark, sa luwas kan New York City.
Saro soboot sa mga detainee o ikinulong an sarong US military veteran na nagsapo nin indignidad makalihis kwestyunon an pagigin lehitimo kan saiyang military documentation.
Sa sarong man na pahayag, sinaysay kan tagapagtaram kan Immigration and Customs Enforcement na saindang iniimbestigaran an nasambitan ng insidente. Alagad sigun ki Mayor Baraka, pigbalgar kan piglunsar na raid an mga derichos kan mga namamawan sa irarom kan US Constitution.
Mientrastanto, pigreport man ni White House spokesperson Karolin Leavitt na nasa 538 katawo na an naarestrar kan Trump administration kan Huwebes na iniladawan komo illegal immigrant criminals.
Soboot, kaiba sa mga nadakop an mga miyembro kan Venezuelan prison gang asin mga indibidwal na convicted sa sex crimes.
