Aktibo na an National Grid Corporation of the Philippines (NGCP) sa pagpapautob kan saindang Integrated Disaster Action Plan.
An pagpapautob na ini an sarong amay na pagpepreparar asin paglikay na pigsasagibo tanganing mabawasan an posibleng epekto kan Tropical Depression Mirasol, orog na sa mga operasyon asin imprastraktura kan transmission service provider.
Komo parte kan saindang mga pagpepreparar, pigsisiserto kan NCGP na an saindang mga sistema kan komunikasyon an nasa marhay na kondisyon asin preparado para sa anuman na pangangaipuhan.
Apwera pa digde, pigsisierto pa man ninda na igwa sindang bastanteng suplay kan mga reserbang piyesa.
An mga reserbang piyesa na ini an importante para sa tulos na pagpapakarhay kan anuman na pasilidad na pwedeng maraot huli sa bagyo.
An mga personahes kan NGCP, strategic na mang pigpuwesto sa manlaen-laeng mga alokasyon.
Obheto kan pagpapalakop na ini an tanganing magkaigwa nin marekas na pagsimbag sa anumang sitwasyon na pwedeng mangaipuhan kan saindang atensiyon asin aksiyon.
Sa presente, sigun sa NGCP, an operasyon kan saindang transmission lines sa bilog na nasyon an nagtitinir na normal asin mayong anumang aberya. Padagos nindang pigsusubaybayan an sitwasyon asin preparadong magsimbag kun kinakaipuhan.
