Pigsaysay kan ahensya kontra sa droga kan Nigeria kan Biyernes na pig-arestar kaini an 20 Pilipinong mandaragat na nadakop na nagdadara kan dae mababa sa 20 kilo kan cocaine gikan sa Brazil pasiring sa primerong daungan kan Lagos.
Haloy nang pigtuturing an Nigeria komo sentro kan trafficking asin produksiyon kan droga na pasiring sa Europa asin iba pang nasyon sa Africa.
Sigun sa National Drug Law Enforcement Agency (NDLEA), nasabat soboot an kargamento kan halangkaw na klase kan cocaine kan nakalihis na aldaw sa sarong barkong nakarehistro sa Panama.
Nakatago an cocaine sa irarom kan kargamento kan barko, sigun sa NDLEA. Dae soboot pigtukoy an klase kan kargamento alagas sinabi na nagdadara an barko kan coal gikan sa Brazil pasiring Colombia. An gabos kan Pilipinong tripulante pigdara sa kustodiya para sa imbestigasyon.
Sinabi man kan ahensya na nakikipagtabangan ini sa mga anti-drug agency kan US asin Britain tanganing imbestigaran an sarong cartel na nasa likod kan pag-angkat kan 1,000 kilo kan cocaine na nanutaran sa sarong container sa daungan kan Lagos.
Kasuarin sana, pinapusog ni Presidente Donald Trump an presensya kan mga puwersang Amerikano sa rehiyon kan Caribbean tanganing labanan an pigtuktukdo kaining mga drug traffickers na nakabase sa mga bansang Latin America kairiba an Venezuela asin Mexico.
