Nagpakol na sa 117,371 influenza-like illness (ILI) an kabilugang nairehistro an Department of Health puon kan Enero hasta sa presente.
Puon sa labi 117,000 nagpakol na man sa 126 an kabilugang numero kan mga nagadan hasta sa katahawan kan Setyembre.
Sa ibong kaini, pigsaysay kan DOH na mas hababa pa man an numero kan mga nairehistrong kaso kan influenza-like illness ngunyan na taon kumparar sa nakalihis na taon, sa kaparehas na period.
Nagpakol kaya sa 137,980 an kabilugang nairehistro sa enot na siyam na bulan kan nakalihis na taon.
Mas hababa man soboot an numero kan mga nagadan ngunyan na taon kumparar sa nakalihis na taon na nagpakol sa 142.
Liwat man na nagpagirumdom an DOH sa publiko na ugalion na maghugas nin kamot, magsulot nin facemask sa mga matatawong lugar, asin magpabakuna.
Mientrastanto, sigun ki DOH Secretary Teodoro J. Herbosa, an makakatabang tanganing mapugulan an pagkuriyat kan helang.
