Dae nag-abot nin 10 minuto an ginibong pag-aprubar kan Senate Finance Subcommittee sa prosopwestong P10.5 bilyon budget ng Office of the President para sa 2025.
Naghampang sa Finance Subcommittee na pinamamayuhan ni Sen. Grace Poe si Executive Secretary Lucas Bersamin.
An prosopwestong budget kan opisina ni Presidente Ferdinand Marcos Jr. para sa masunod na taon an mas hababa nin 1.88% kesa sa budget ngunyan na 2024.
Pigpunto ni Poe na pira sa mga ehensiya na nasa irarom kan Office of the President, siring kan Presidential Anti-Organized Crime Commission (PAOCC) an nakatabang sa mga anti-crime initiatives, orog na sa isyu kan mga ilegal na Philippine Offshore Gaming Operators (POGO).
Sigun ki Poe, an Presidente nagmukna kan bagong presidential office para sa proteksyon kan mga kaakian asin sa hiling kaini panahon na para digdi asin kadaklan satuya an nagpapasalamat na marhay na protehiran an satong mga kaakian, an pinakadaing kalabanlaban sa sosyedad.
Sinabi man ni Bersamin na dai makakaapektar sa paghatod kan serbisyo kan Presidente sa mga Pilipino an pagbawas sa pigproponer na budget.
An propuestong badyet kan Office of the President marikas na inaprobaran huli sa inaapod na “parliamentary courtesy.”
