Nagtamo nin P135.3 milyong halaga nin pinsala asin lugi an sektor kan agrikultura gibo kan pananalasa nin mga nag aging bagyong Maymay, bagyong Luis asin paros na habagat.
Base sa nagpapadagos na damage assessment kan regional offices kan Department of Agriculture (DA), naitala an mga pinsala sa agrikultura sa Ilocos Region, Central Luzon, Calabarzon, Mimaropa asin Western Visayas, kun saen naapektaran an maabot 4,000 ektarya kan agricultural areas.
Pinakamatinding nagtamo kan pinsala asin pagkalugi sa mga commodities ay an bagas, nagsunod ang mais, high-value crops, livestock asin poultry, siring man an mga pasilidad sa irigasyon, machines asin equipment.
Nagresulta naman an pinsala nin mga kalamidad sa 4,465 metrikong tonelada kan production loss.
Bilang tugon, sinabi kan DA na possibling mag avail an mga apektadong paraoma nin P106.5 milyong halaga nin farm inputs arog kan bagas, mais asin banhi kan mga gulay.
Posible ring mag-avail an mga ini nin hasta P25,000 loan hale sa Survival and Recovery Loan Program kan Agricultural Credit Policy Council.
