NAGA CITY– Gadan an sarong padre de pamilya makalihis ining pagbabadilon kan saiyang tugang sa Sitio Langka, Brgy Concepcion Banahaw, Sariaya, Quezon.
Binisto an biktima na si Dominador Rosales, 46 anyos.
Sa nagunong impormasyon kan Bombo Radyo Naga napag araman na nag-iinuman sana sinda Dominador, an suspek na si Mario Rosales, asin ibang paryentesd kaini kan biglang magkaigwa nin dai pagkakasinabutan sa pagultanan kan suspek asin biktima.
Bigla suboot nagbunot nin badil si Mario asin tulos man na pinagbabadil si Dominador.
Huli digdi, nagsapo nin tama sa saiyang tabay an biktima na tulos idinalagan sa ospital alagad ideneklara ining dead on arrival kan mga doktor.
Makalihis an insidente, tulos man na nagdulag an suspek dara an badil na ginamit kaini sa nasambitan ng krimen.
Sa ngunian, nagpapadagos pa man an imbestigasyon kan mga otoridad manungod sa nasambitan ng pangyayare para sa posibleng pagkakadakop sa nagdulag na suspek.
