NAGA CITY – Tinawan duon kan sarong legal practitioner na nagtitinir na igwa nin gagastuson an mga mag-agom na pigpili na magsairarom sa diborsyo.
Marurumduman, nagin dakulang isyu sa Pilipinas an pagsasabatas kan Divorce huli ta kadakol soboot an mga mag-agom na dae nakakapag suhayan nin legal huli sa dakulang gastos para magpa annul.
Sa entrevista kan Bombo Radyo Naga ki Atty. Jerwin Dave Patacsil, CPA, MBA, Legal Practitioner, kagsadiri kan JDP Law Firm, sinaysay kaini na igwa pa man giraray gagastuson an sarong mag-agom sa proseso kan divorce alagad baku ining siring kamahal kan annulment.
Apwera pa digdi, an diborsyo sa Pilipinas an dae naman siring kagabat kan annulment sa paghanap nin rason antes na tugutan an saindang pagsusuhayan.
Alagad, dae man pupwede na huli sana sa dae na ninda uyon o padaba an lambang saro, huli ta kadalasan sa mga siring na sitwasyon an pigsasairarom sana sa counseling an sarong mag-agom.
Dugang pa ni Patacsil, mas accessible asin realistic an Diborsyo kumparar sa Annulment. Dugang pa kaini na pupwede man na maghagad nin asistensya an mga nagtitios na residente na mawot na magpa annul sa mga Public Attorney’s Office huli ta an mga ini an nag-ooffer nin libre o hababang bayad para sa sainda.
Sa ngunyan, payo na sana kan abogado sa mga mag-agom na enkaso an saindang pag-iibahan an igwa na nin involve na pangungulog o pang-aabuso mas makakamarhay na magsuhayan na sana, alagad kun baku pa man siring ka intense an problema iaagi muna ini sa marriage o church counseling tanganing mapag-ulayan nin marhay an problema.
Dapat man soboot rumdomon na perming an Divorce an pinakahuring choice na dapat ikonsiderar kan sarong mag-agom.
