Pag-IBIG Fund Nagluwas nin Labing ₱69-B sa Housing Loan sa Enot na Kabanga kan Taon

Nag-disburse an Pag-IBIG Fund nin ₱69.19 billion na housing loans puon Enero sagkod Hunyo ngunyan na taon, mas halangkaw nin 15 porsyento kumpara sa parehong panahon kan nakaaging taon. Sa kabilugan, an ahensya nagpinansya nin 43,051 na mga yunit nin harong.

Segun sa Pag-IBIG Fund, dakula an naitabang sa paglangkaw kan loan releases kan Expanded Pambansang Pabahay para sa Pilipino Program o Expanded 4PH. An mga sosyalisadong pautang sa harong para sa mga minimum wage earners asin mga miyembrong hababa an kita nagdoble, na uminabot sa ₱6.7 bilyon.

Sinabi kan mga opisyales kan Pag-IBIG na padagos sindang magtatao nin affordable housing loans tanganing mas dakul na mga Pinoy, lalo na an mga hababa an kita, an magkaigwa nin sadiring harong.