Pupuonan na sa Setyembre 8 an pag-imprenta kan opisyal na balota para sa Oct.13 Bangsamoro Parliamentary Elections (BPE).
Sinaysay ni Comelec Chairman George Garcia na kukumpletuhon an pag-imprenta kan labi sa 2.3 milyong balota sa laog sana nin pitong aldaw sa National Printing Office (NPO) sa Quezon City.
Kaiba sa sarong semanang target an verification process. Ipinagpapauktaba kan Comelec an pag-imprenta kan BPE ballots na dapat kuta nagpuon na kan nakalihis na Huwebes makalihis na makaresiber nin impormasyon na makakaapektar sa ballot faces asin man pag-imprenta nin mga balota na paghahati sa pitong parliamentary seats.
Papakarhayon liwat sa Bangsamoro Parliament an mga distritong iheheras kan pitong puwesto sa distrito kan parlyamentaryo, na orihinal na nasa irarom kan Sulu, kasunod kan desisyon kan Korte Suprema na dae kaiba an probinsya sa rehiyon.
An mga parliamentary district an iheheras sa Lanao del Sur, 9; Maguindanao del Norte asin Maguindanao del Sur, tig-5; Basilan asin Tawi-Tawi, tig-4; Cotabato City, 3; Espesyal na Heyograpikong Lugar, 2.
