Pigkumpirmar kan Opisina kan Bise Presidente na an saindang chief of staff, si Undersecretary Zuleika Lopez, naghale sa nasyon para sa sarong “personal” trip.
Segun sa OVP, nakatalaan na magbalik sa nasyon an nasambitan ng opisyal sa katahawan kan bulan nin Nobyembre ngonian na taon.
Pigpaliwanag kan opisina kan bise presidente na igwa nin basbas si bise presidente Sara Duterte sa byahe ni Lopez.
Pigsaysay man kaini na pigsumiter ni Lopez an mga nawawarang dokumento na kinakaipuhan sa pagbyahe kan sarong opisyal kan gobyerno.
Kun marumduman, nagkaigwa nin hearing kan nakalihis na aldaw nin Martes an House good government asin public accountability committee dapit sa isyu kan Confidential and Intelligence Fund kan OVP asin DepEd.
Digdi natipon an impormasyon na si Lopez naghale sa nasyon lunad kan eroplano pasiring sa Los Angeles.
Enot nang hinagad kan komite sa Department of Justice na magpaluwas nin look out bulletin kontra sa pitong opisyales kan OVP.
Pigsaysay kan Departamento nin Hustisya na mayo sindang derogatory record o mandamiento de aresto.
Buot sabihon, dae pwedeng magpaluwas nin look out bulletin an DOJ na hinahagad kan committee sa paagi kan BI.
