Naglangkaw an kumpiyansa ni US President Donald Trump na mas harani na kesa dati an pagdedeklarar kan pagwawakas kan giyera sa Gaza.
Ini an makalihis na magtugot si Israeli Prime Minister Benjamin Netanyahu sa 20-point plan na isinapubliko sa primerong pagkakataon, na naglalatag nin parameters kan ceasefire.
Bagaman nangangaipuhan pa an nasambitan ng ceasefire proposal na matintaan kan kampo kan Hamas.
May nagkapirang probisyon na nakapalaog sa plano an naenot ng tinutulan kan Hamas, alagad naglalaom pa man si Trump na makalihis an haros duwang taon kan giyera, makukua na an pagwawakas sa iriwal na nagwalat nin rinibong nagadan asin mahewaas na danyos sa Gaza.
Nagkapira sa nakapalaog sa plano an pangapudan para sa pagpapalaya kan gabos kan natatadang bihag na kapot kan Hamas, buhay man o gadan, sa laog kan 72 oras magpuon kan akuon kan Israel an kasunduan, na nangangahulugang nag-puon na man an oras kan Hamas tangani magdesisyong magtugot sa kasunduan.
Nagpatanid man sinda Trump asin Netanyahu dapit sa magabat na consequence enkaso tutulan kan Hamas an nasambitan ng plano.
