Ikokonsiderar kan Korte Suprema an paggamit kan Artificial Intelligence para sa pagdesisyon asin pagbantay sa mga kaso sibil asin kriminal.
Sa hearing kan panukalang 2025 budget kan Judiciary, sinaysay ni Supreme Court Administrator Raul Villanueva na apwera sa legal research, pwedeng gamiton an AI sa pagtipon nin datos para sa paggibo nin mga desisyon.
Dugang pa, an AI pwede man gamiton sa pag-monitor kan mga huwis asin mahistrado manungod sa estado kan mga kaso, partikularmente idtong mga nakabinbin sa korte.
Sa ngunyan, an Korte Suprema nagdedevelop nin voice to text transcription tanganing mantang nagtataram an testigo, an pigtataram iyo an irerekord asin i-transcribe.
Pig-aadalan man an paggamit kan AI na tulos makaka-translate kan testimonya na ginibo sa Filipino o iba pang diyalekto pasiring sa Ingles.
Sa ibong na lado, Si Senate Finance Committee Chairperson Grace Poe, nagpahayag nin suporta para digdi mantang pinapagirumdom man kaini n dai magsarig nin sobra sa AI tanganing dae mawara an human side sa mga desisyon kan korte.
