Mawot kan Philippine National Police o PNP na dagdagan an bilang kan mga motorsiklo kan pwersa kan kapulisan ngani na magin madali asin marikas an saindang pagresponde sa manlaen-laen na klase nin krimen.
Segun ni PNP Chief General Jose Melencio Nartatez Jr. na habo ninda an mga eksena sa pelikula na an mga pulis nadadakop na nagreresponde kun may nangyayaring krimen.
Pigsierto ni Nartatez na dakulang tabang sa mga kapulisan an mga motorsiklo, urog na sa marikas na pagresponde, asin siring man an saindang padagos na pagpatrolya sa mga lugar na sakop kan saindang hurisdiksyon.
Enot sa gabos, narecibe na an mga motorsiklo kan manlaen-laen na istasyon kan PNP hali sa Department of the Interior and Local Government o DILG bilang parte kan mga lakdang tanganing maparikas an pagresponde sa mga krimen.
An suporta sa pwersa kan kapulisan sa paagi kan mga motorsiklo padagos na nagiging mas episyente sa pagpatrolya asin pagresponde sa mga insidente sa komunidad.
