Iimplementar an P60 daily wage increase ngonian na aldaw, Setyembre 26 para sa mga minimum wage earners sa National Capital Region o NCR sa lindong kan Wage Order No. NCR-28.
Pigkakarkulong nasa 1.1 milyon na aroaldaw na trabahador sa Metro Manila an makikinabang sa paglangkaw kan sweldo.
Kasunod kaini, nagpagirumdom an Department of Labor and Employment o DOLE sa mga employers na magsunod sa bagong wage rates kun maging epektibo na an ley.
Ikinaogma kan Federation of Free Workers o FFW an paglangkaw kan sueldo, alagad nanindugan an grupo na bako ining sapat tanganing masimbagan an padagos na paglangkaw kan presyo kan mga basic commodities asin iba pang gastos kan mga trabahador.
Sa irarom kan Wage Order No. NCR-28, an existing minimum wage sa NCR nakatalaan na maglangkaw, bilang parte kan wage adjustment na inaprobaran kan Regional Tripartite Wages and Productivity Board.
