An pigbilog na House Murang Pagkain SuperCommittee o QuintaComm an magigin Murang Kuryente Supercommittee na.
Sigun ki QuintaComm Overall Chairman asin Albay 2nd District Rep. Joey Salceda, ini an huli ta tututokan ngunyang taon-2025 an paghahanap kan solusyon sa halangkaw na singil sa presyo kan kuryente.
Sinaysay ni Salceda, alinsuod ini sa sugo ni House Speaker Ferdinand Martin Romualdez na tutukan an sobrang langkaw na presyo kan kuryente sa nasyon.
Binanggit ni Salceda na kaibahan na bubusision kan komite an findings kan Energy Regulatory Commission (ERC) na ₱206-billion na ginastos nin mayong paaram kan nakalihis na taong-2016 hasta 2020 kan National Grid Corporation of the Philippines (NGCP).
Dugang pa kaini na apwera digde an pigsugo man ni Romualdez na pag-adalan an windfall taxes sa labi na kita kan power sector participants na pwedeng ilaan para sa costumer refunds asin pantawid kuryente.
