Pigkumpirmar kan Department of Migrant Workers (DMW) an pagkagadan kan sarong Pilipinong crew member kan cruise ship na MV Arvia na pigpapadalagan kan P&O Cruises, na presenteng pig-iimbestigaran.
Sa pahayag kan Huwebes, pigsaysay kan DMW na dae muna isasapubliko an pagkakabistuhan kan seafarer mantang nakikipag-tabangan an licensed manning agency asin may-sadiri kan barko para sa masusing imbestigasyon.
Basado sa report, nagadan an Pinoy crew kan dominggo mantang naglalawod an barko gikan sa Southampton pasiring Tenerife.
An MV Arvia nasa 14-night transatlantic voyage pasiring Caribbean asin piglalaomang maabot sa Barbados sa Nobyembre 7.
Advertisement
Pigsierto kan DMW an tabang asin regular na update sa pamilya kan nagadan na Pinoy.
Advertisement
