NAGA CITY- Nairehistro an paglangkaw sa presyo kan paroy sa Rehiyong Bikol makalihis an pag-anunsyar sa rice importation ban ni President Ferdinand Marcos Jr, sigun sa National Food Authority.
Marurumduman, puon September 1, an gabos na overseas procurement kan bagas an sususpenderon hasta sa katapusan kan Oktubre makalihis an nagin kasuguan kan Presidente.
Sigun man ki NFA Assistant Regional Director Julie Llenaresas an buying price kan marang paroy sa Bicol Region an naglangkaw nin 6.25 percent puon kan iaanunsyar an duwang bulan na import ban.
Makalihis soboot kaya an anunsyo, nagpa-survey an Department of Agriculture kun ano an epekto kaini.
Marurumduman, obheto kan nasambitan ng rice import ban an ma-estabilize an presyo kan paroy asin maproteheran an mga paraoma gikan sa baratong imported na bagas.
Puon sa September 1, an ban an ia-apply sa regular asin well-milled rice.
Mientrastanto, sa masunod bulan kan September asin October iyo an harvest season kan paroy sa Bicol Region.
Sa ngunyan, nagtitinir na bastante an suplay kan bagas bako sana sa NFA kundi magin sa mga pribdong traders sa Bicol Region.
