Igwang posibilidad kan liwat na pagsusunad nin impeachment complaint kontra ki Vice President Sara Duterte sa 2026, sigun ki House prosecutor asin Akbayan Rep. Chel Diokno.
Pigsaysay ni Diokno na puwede pa liwat na magsunad nin impeachment case sa 2026 kun mamantiniron kan Supreme Court an desisyon na unconstitutional an pigsunadan na reklamo kontra sa bise presidente.
Sigun pa ki Diokno, kun talagang sarad na soboot an gabos na mga paagi tanganing idagos pa an impeachment sa ngunya, an pinakahuring option an liwat na pagsunad kaini sa maabot na February 2026.
Enot na digde, 19 na senador an nagboto nin pabor na i-archive an impeachment case kontra sa bise presidente.
Mayorya kan mga senador an nagtutubod na dapat irespeto an ruling kan SC na nagsasabing nabalgar an one year bar rule kaya unconstitutional an Articles of Impeachment na ipinadara kan House of Representatives sa Senado.
Mientrastanto, nagtutubod man si Sen. Lito Lapid na maski pa na-archive an reklamo kontra sa bise presidente an makakamarhay tanganing magpaliwanag pa man ini sa mga namamanwaang Pilipino.
An pag-archive man kan impeachment case an dae boot sabihon na igwa o mayong sala si Vice President Sara.
