Bukas an Malacañang na suportaran an propwestong ley na obhetong higutan an paggamit nin internet kan mga kaakian.
Kasunod ini kan pigsunad na propwesto ni Senador Ping Lacson na i-regulate an internet access kan minors huli sa epekto kaini sa mental health basado sa mga pag-aadal.
Binanggit sa propwestong ley an pag-aadal kan United Nations Children’s Fund (UNICEF), kun saen an mga kaakian an madaling biktima nin cyberbullying, online harassment, asin man pressure dapit sa saindang imahe o itsura.
Sigun ki Palace Press Officer Claire Castro, ano man na lakdang na makakamarhay sa kapakanan kan publiko an preparadong suportaran kan administrasyon.
Advertisement
Orog na kun mapapatotoohang makakatulong ini sa mental well-being kan mga kaakian.
Advertisement
