Pigsierto kan Malacañang na nagsasagibo nin mga lakdang an gobyerno tanganing simbagan an paglangkaw kan presyo kan karneng orig sa mga merkado.
Sigun ki Palace Press Officer Claire Castro na sigun sa Department of Agriculture, naglangkaw an presyo kan orig huli sa African Swine Fever (ASF).
Kaya kaibahan sa mga lakdang na piggibo ngunyan kan DA iyo an repopulation program asin paggamit nin bakua kontra sa ASF tanganing maibweltada an produksiyon kan orig sa mga apektadong lugar.
Nagtalaan na man nin pondo an ahensiya para sa pagbakal nin mga ataman na hayop asin mga breeder mantang pigbubusol an bakunahan.
Sa ibong kan paglangkaw kan presyo, mayo man price control na pigpapautob ngunyan.
Pigtawan-duon kan Palasyo, pinag-aadalan pa an tamang balanse tanganing dae man malugi an mga nag-aataman nin orig mantang pigpo-protehiran an interes kan mga parabakal.
