Personal na pigbisita ninda Department of Migrant Workers (DMW) Secretary Hans Cacdac asin Overseas Workers Welfare Administration (OWWA) Administrator PY Caunan sa Cainta, Rizal an pamilya kan Overseas Filipino Worker (OFW) na binawian nin buhay sa kasulo na nangyari sa Hong Kong.
Ini an tanganing magtao nin tabang asin suportang kinakaipuhan kan pamilya.
Sigun sa OWWA, nakikisumaro sinda sa pagmundo kan Filipino community sa pagkagadan kan sarong OFW sa kasulo sa Tai Po, Hong Kong.
Kasunod kaini, pigsierto kan gobierno na makukua kan pamilya an gabos kan benepisyo asin tolos na mapapapuli sa nasyon an lawas kan nasambitan ng Pinoy.
Kaibahan digde an tabang kan pang-edukasyon para sa aki kan OFW sa irarom kan Education and Livelihood Assistance Program (ELAP).
