Nag-apelar ki President Ferdinand Marcos Jr. an pamilya ni Mary Jane Veloso tanganing gawaran na ini nin emnestiya.
Si Veloso an nakakulong ngunyan sa National Correctional for Women makalihis na magpuli digdi sa nasyon gikan sa pagkakakulong sa Indonesia.
Sa pig-sinumiter na petisyon kan pamilya ni Veloso sa Malakanyang, pighurot ninda na antes kuta an State of the Nation Address (SONA) kan presidente, igawad na an amnestiya ki Mary Jane.
Sigun man ki Palace Press Officer Atty. Claire Castro, dae kaini sierto na nakaabot na sa Office of the President an petisyon kan pamilya Veloso.
Kun mayo man soboot mababalgar na ley, posibleng magkaigwa nin positibong reaksiyon digdi an presidente orog na ta ikakamarhay man ini kan satuyang kababayan.
Marurumdoman, si Veloso an nahatulan nin padusang kamagadanan sa Indonesia makalihis makuanan nin pirang kilo kan ipinagbabawal na bulong alagad nakasalbar sa kagadanan makalihis na magkaigwa nin bagong polisiya an Indonesia na an mga dayuhang nakakulong sa saindang nasyon an papaulion sa saindang nasyon tanganing duman na pagdusahan an kasalan.
