Posibilidad na magka-igwa nin rollback an presyo kan produktong petrolyo segun sa Department of Energy (DOE) sa masunod na semana, na posibleng mag-abot sa P13 hasta P15 cada litro sa diesel asin P1 hasta P2 sa gasolina.
Susog ki DOE Undersecretary Alessandro Sales, an Mean of Platts Singapore (MOPS) nagbaba, na nagpapahiling nin posibleng pagbaba kan presyo kan lana sa global na merkado.
An DOE naglalaom na kun an mga presyo sa bilog na kinaban padagos na mag-establisar, an nasyon tibaad makaeksperyensya nin saro pang dakulang pag-atras kan presyo kan krudo.
Mientrastanto, pinag-aadalan pa kan administrasyon ni Marcos an posibleng pagsuspinde kan excise taxes sa diesel asin gasolina, katakod kan nakaaging lakdang na paghale kan buwis sa LPG asin kerosene.
Segun sa Department of Finance (DOF), hinahalat pa ninda an pormal na executive order bago iimplementar an implementang rules.
Apwera kaini, segun sa DOE, supisyente an supply nin lana kan nasyon, na nag-aabot sa 51-day inventory, kun kaya mayo tulos nin kakulangan nin petrolyo sa ngonian.
Katakod kaini, an mga drayber asin operator kan mga jeepney asin UV Express van pwedesir na makakua nin P10 kada litro na fuel subsidy sa 52 gasolinahan sa Metro Manila kun sain posibleng mag-abot sa P30 kada litro an total na pagbawas sa presyo kan diesel kun iiba an piglalaoman na rollback sa masunod na semana
