NAGA CITY- Nagsagibo nin panibagong trilateral Air Patrol an Tactical Operations Wing Western Mindanao (TOW WestMin) sa paagi kan Tactical Operations Group Sulu-Tawi-Tawi (TOG SulTaw) kan Philippine Air Force (PAF) sa borders kan Sulu asin Tawi-Tawi.
Ini an parte kan sanib-pwersang inisyatibo kan mga nasyong Indonesia, Malaysia, asin Pilipinas (INDOMALPHI) tanganing pakusogon an seguridad asin kaayusan sa lugar. kabali sa air patrol mission an mga personnel kan 300th Air Intelligence and Security Wing kan PAF, Tactical Operations Wing WestMin, 220th Airlift Wing, Tactical Operations Group Sulu-Tawi-Tawi , Philippine Navy, Joint Task Force Tawi-Tawi, Naval Intelligence and Security Group, asin Western Mindanao Command.
Papaigtingon pa kan nasambitan ng trilateral Air patrol an sanib-pwersang presensiya sa himpapawid sa rehiyon, matabang sa reconnaissance asin surveillance kan saindang foreign vessels asin unusual maritime activities.
Makakatabang man ini sa pagpugol kan cross-border security threats siring kan terorismo, piracy asin human trafficking.
