Paraoma na pirang aldaw na nawawara, nadukayang tadtad nin lugad sa payo asin lawas sa CamSur

NAGA CITY- Ini-imbestigaran pa kan otoridad an pagkagadan kan sarong paraoma sa Sipocot, Camarines Sur.

Binisto an biktima na si Jose Fabricante, 58-anyos.

Sa nakuang impormasyon kan Bombo Radyo Naga, napag-araman na nadukayan na sana an bangkay kan biktima sa saiyang niyugan sa barangay Bolo Norte sa nasambitang banwaan na igwang lugad sa saiyang payo asin lawas.

Basado sa imbestigasyon kan mga otoridad, naghale suboot an biktima sa saindang harong, alas-5 nin aga kan Marso 18 tanganing magpasiring sa saiyang niyugan alagad dae na suboot ini nagpuli pa.

Nakatalaan man na isairarom sa autopsy examination an biktima mantang nagpapadagos pa an ginigibong imbestigasyon kan mga kapulisan sa pangyayari.