Piglinaw kan Malacañang na dae pa tapos an pagpapanimbag sa mga imbwelto sa maanomalyang flood control projects.
Ini an paliwanag kan Palasyo sa pahayag ni Presidente Ferdinand Marcos Jr. dapit sa kawalan kan “Merry Christmas” kan mga dawit sa anomalya.
Sigun ki Palace Press Officer Claire Castro, dae ini nakabase sa mga pangaran, kundi sa mga indibidwal na nakulong na makalihis maipaluwas an mga warrant of arrest sa laog kan mahigot na apat na bulan.
Igwang malinaw na resulta an kampanya kan administrasyon kontra sa korapsiyon, may mga nakakulong, may mga ari-ariang na freeze, asin may mga napuunan na pagpapapuli kan mga hinabon na pondo kan bayan.
Dugang pa kan Palasyo, nagpapadagos an imbestigasyon asin pighahalat ni Presidente Marcos an resolusyon kan iba pang kasong nakabinbin sa Department of Justice asin Office of the Ombudsman.
