Pig-omaw ni Presidente Ferdinand Marcos Jr, an Philippine Humanitarian Team gikan Myanmar makalihis an saindang matrayumpo na misyon.
Sigun ki Palace Press Officer USec. Claire Castro, pinarangalan an mga ini huli sa saindang katapangan asin pagsagupa sa saindang misyon asin man obligasyon.
Sinabi ni Castro, pinaabot kan Presidente an saiyang taos pusong pasasalamat sa mga nagbibilog kan Philippine Humanitarian team huli ta talagang kapuri-puri an saindang ginigibo.
Nag abot kan nakalihis na banggi an Philippine Inter-Agency Humanitarian Contingent gikan sa saindang misyon sa Myanmar na binibilog kan 89-personnel gikan sa manlaen-laeng ahensiya kan gobyerno.
Pinadara an delegasyon sa Myanmar tangani magtabang sa search, rescue and humanitarian mission makalihis an yugoyugo na 7.7 magnitude na linog kan nakalihis na Marso 25,2025.
