Aminado an Philippine Coast Guard na dae magiging madali an gigibuhong paghahanap sa mga missing sabungero na soboot pig-apod sa Taal Lake.
Sa sarong pahayag, sinaysay ni PCG Spokesperson Capt. Noemie Cayabyab, posibleng mahampang an saindang mga technical divers sa manlaen-laen na anggat.
Napag-araman na an Taal Lake an igwa nin rarom na 170 meters mantang pinakamahararom na saindang pigsisid an nasa 100 meters sana.
Aram man kan PCG an bakong malinaw na kalidad kan tubig sa lawa asin maraot na kamogtakan kan panahon ngunyan kawsa kan mga pag-uran.
Pigkokonsiderar man ninda an mga aktibidad kan Bulkang Taal sa saindang magigin paghahanap. Haloy naman soboot na ini an nasa irarom kan katubigan asin marahil an mayo na sa lugar kun saen ini inihulog kun totoo man.
Sa ibong kaini, sinaysay kan PCG na makikipag-koordinar sinda sa Philippine Navy tanganing makatabang asin maparekas an paghahanap sa mga sabungero na labi apat na taon nang pinaghahanap kan saindang mga padangat sa buhay.
