PCG, preparadong sisidon sa Taal Lake an mga missing sabungeros

Liwat pigsierto kan pamayohan kan Philippine Coast Guard na nakapreparar sindang sisidon sa Taal Lake an mga missing sabungeros.

Sigun sa PCG, naka standby sana an saindang hanay sa sandaling pormal na ipag-sugo kan DOJ an paghahanap sa mga ini sa nasambitan ng lawa. Enot ng pigbuyagyag ni Alyas Totoy na pig-apon sa Taal Lake an mga lawas kan mga nawawarang sabungero.

Sigun ki PCG Spokesperson Captain Noemie Cayabyab, nakapreparar sinda sa oras na ipa-apod kan Justice Department.

Apwera pa digdi, nakapreparar na man an saindang mga remote controlled vehicle.

Aminado man an opisyal na dakulang anggat ini para sa sainda orog na ta madiklom asin malabo na an tubig huli sa mga debris sa irarom kan lawa.