Dae inako ni Philippine Fencing Association (PFA) president Rene Gacuma an paghagad nin pasensiya ni Leyte Representative Richard Gomez.
Kasunod ini sa ginibong pangungulog ni Gomez sa saiya sa lugar kun saen pigkundusir an Southeast Asian Games sa Thailand.
Nagpadara na nin surat si Gacuma ki Dr. Raul Canlas ang Chef d’Mission of the Philippine delegation to the SEA Games asin nakadetalye digde an pangyayari.
An nasambitan ng surat an ipapadara sa Ethics Committee kan Philippine Olympic Committee (POC) asin sa House of Representatives (HoR).
Nangyari an insidente makalihis na ika-anggot ni Gomez an ginibong pagribay ki Philippine fencing team member fencer Alexa Larrazabal.
Pigsaysay man kan PFA na igwang nagkapirang pagkukulang si Larrazabal kabali na digde an nagbaba na attendance asin an kawaran nin dokumento na maipahiling sa pagsabak kaini sa nagkapirang torneo sa ibang nasyon.
Dae soboot patas sa ibang fencer na naglapigot asin nagsakripisyo tanganing magin representative kan nasyon.
Dae man soboot nagsimbag si Larrazabal sa nagkapirang mga mensahe ninda.
