Dae kaibahan an Pilipinas sa mga nasyon na tinawan kan Estados Unidos nin 0% tariff rate para sa pirang produkto gikan sa ASEAN.
Basado sa mga report gikan sa Association of Southeast Asian Nations (ASEAN) Summit, an mga nasyon na nakinabang sa zero tarrif an Thailand, Malaysia, asin Cambodia.
Sakop kan polisiya an mga produkto siring kan aerospace equipment, gamot, palm oil, cocoa, asin rubber, na mga produktong dating igwang taripa na nag-aabot hasta sa 19%.
Obheto kan Amerika na parekason an kalakalan asin paglaog kan mga kritikal na produkto sa ASEAN market.
Alagad paliwanag ni Special Assistant to the President for Investment and Economic Affairs Frederick Go, pigtuyo kan Pilipinas na paramientras na dae magbali sa kasunduan tanganing maproteheran an lokal na industriya kan bagas, mais, asukar, asin manok.
Paliwanag pa ni Go, duwa sana sa mga nasyon sa ASEAN an pormal na nagreseber kan zero-tariff deal karibay kan pagbubukas kan saindang merkado para sa mga produktong agrikultural asin industriyal kan Amerika.
