NAGA CITY-Nagpadara na nin note verbale an Pilipinas sa China katakod kan panibagong insidente sa Ayungin Shoal na kina-irido kan pirang mga tropang Pilipino.
Ini an pigkumpirmar ni Foreign Affairs Secretary Enrique Manalo sa international media conference kun saen pinag-ulayan an nasambitang isyu sa West Philippine Sea.
Enot nang nagsunad nin panibagong diplomatic protest an DFA kan nakalihis na semana laban sa mga aksyon kan China sa kasagsagan kan resupply mission.
Pigkokonsiderar man kan Pilipinas na ipaapod si Chinese Ambassador Huang Xilian katakod kan insidente.
Sa pagdangog sa Senado kan Martes, pigsambit ni Sec. Manalo na sisikapon ninda na ibalik an dayalogo sa pag-ultanan kan Pilipinas asin China sa tahaw kan nagpapadagos na tensyon sa West Philippine Sea asin nanindugan na mangingibabaw pa man an dayalogo asin diplomasiya maski pa sa paghampang sa mga seryosong insidente.
