Nag-apela si Navotas Representative Toby Tiangco sa administrasyon ni Marcos na resolberan na an sunod-sunod na dakulang paglangkaw kan presyo kan mga produktong petrolyo.
Pangapudan kan batikang mambabatas, panahon na tanganing suspendihon o bawasan an excise tax sa mga produktong petrolyo tanganing maibsan an epekto kan padagos na paglangkaw kan presyo kan langis.
Irinekomenda kan mambabatas an paggamit kan kapangyarihan kan gobyerno sa irarom kan Republic Act No. 12316 para pansamantalang suspendihon o bawasan an excise tax sa petrolyo.
Segun ki Tiangco, bako sana an mga motorista an apektado huli ta pwedeng maglangkaw man an gastos sa pamasahe, kakanon, delivery, asin iba pang panginot na pangangaipo.
Duagang pa, panahon na suboot nmag-interbenir an gobyerno asin tabangan an publiko sa grabeng epekto kan halangkaw na presyo kan mga produktong petrolyo.
Kun babalikan, sunod-sunod na semana an nagpatupad an petroleum companies nin price hike kun saen sa laog sana nin tulong semana, umabot na sa P18.31 kada litro an itinaas kan diesel; P15.25 sa gasolina, asin P16.67 sa kerosene.
