NAGA CITY-Nagtetenir na nasa low risk status an Pilipinas para sa COVID-19 sigun sa Department of Health(DOH).
Basado sa datos kan Mayo 27, nasa 14% kan nakalaan na COVID-19 ICU bed an okupado mantang nasa 15% kan kabilugang COVID-19 beds an presenteng ginagamit.
Sa mga kritikal o seryosong kaso nin COVID-19, nasa kabilugang 185 sana o 10% kan kabilugang admissions an naka-admit sa mga ospital.
Sigun sa DOH an average number kan daily reported cases gikan Mayo 21 hasta 27 nasa 319, na mas halangkaw kumparar sa nag-aging semana na nasa 202.
Mas hababa man ini kumparar sa nairehistro sa pagpupuon kan 2024 asin sa katahawan kan Mayo kan nakaaging taon.
Gikan sa mga bagong kaso para sa nasambitang semana 22 an severe o nasa critical condition.
May 20 indibidwal man na binawian nin buhay kun saen an 5 igdi binawian nin buhay sa 2 semana o gikan Mayo 14 hasta 27.
Mientrastanto mayo man nin ebidensya sa presente na nagkakawsa nin severe hasta sa critical na covid19 an FLIRT variants na nadetect na man sa Pilipinas.
